加載中. ..
PDF
大埔版
1
客語能力認證考試【中級暨中高級】
閱讀測驗 樣卷
考試說明：
閱讀測驗分做兩種題型：1.文句理解，2.填空選擇
測驗時間30分鐘。
文句理解總共20題，有兜題目係先讀一篇文章後回答2到3題題目，
題目頭前會提醒你接落來係題組。
填空選擇總共8題，有2篇文章，每一篇文章項有4個空格，逐個空格
有4個選項，請你擇出盡適當个答案。
係無麼个問題，請開始考試。
--------------------開始作答----------------------
大埔版
2
一、文句理解(共20 題)
請根據題目个指示，擇出盡符合題目意思个答案、或者係最適當个詞
彙，單選題。
1. 𠊎出門無帶着錢，高不將同店頭家_____。
(1)賒數 (2)記數 (3)使錢 (4)撿錢
2. 「𠊎愛去合藥來食。」這句話同下背哪個「合」个意思共樣？
(1)合界 (2)合作 (3)合身 (4)合意
下背个題目係題組，請先閱讀文章了後正來回答。
第1篇
阿炎厥公今年八十大零歲，身體雖然還已健，毋過腳氣毋好，原
旦戴十八兒山林壁壢角，上下有罅難；所以大前年年下正徙來竹北，
同倈孫共下。戴个係社區大樓个樓屋，凭緊河壩脣該爿个十六樓，間
房正西照日，係好天，逐日臨暗凳板攋緊，對窗門看啊出，斯看得着
日頭落海，佢盡輒看日頭落海。阿炎厥公同𠊎講，想看日頭落海，愛
到光復節過正使得，這之前日頭還金光閃亮當晟眼；新曆十一月開始，
直直到十二月轉初，該日頭落山盡靚盡好看。下把下看着賁賁烏雲承
等圓圓紅紅个日頭，日頭絲晟轉清清个天，形成這一搭紅霞紅霞、該
一搭黃橙黃橙个彩雲；離較遠兜个，還係本本白罕白罕，像潑石勻開
來个魚鱗，也像分風吹散个棉花，歸天頂个景致變化又多又靚，分人
看到入神失魂。
1. 阿炎厥公為着麼个原因正徙到竹北？
(1)佢想愛看日頭落海 (2)佢毋盼得倈同孫
(3)佢腳力奈山路毋何 (4)佢合意大樓个景致
大埔版
3
2. 在阿炎厥公个間房，立秋邊係天時好，下背哪種情形毋會發生？
(1)臨暗看得着海脣天頂 (2)臨暗看得着日頭落山
(3)朝晨時日頭金金當晟眼 (4)下晝頭間肚緊來緊翕熱
3. 阿炎厥公盡輒看日頭落海，佢認為最餳人个景致係麼个？
(1)烏雲接日 (2)滿天彩雲
(3)一色清天 (4)歸總變化
<其他省略>
二、填空選擇(共8題)
下背逐篇文章各有 4個空格，請根據文章个意思同客語語法，擇出應
該填入空格个字詞。單選題。
1. (1)抑係 (2)就係 (3)若係 (4)都係
2. (1)樣式 (2)光景 (3)花樣 (4)色目
3. (1)單淨 (2)比論 (3)總講 (4)故所
4. (1)一蕊 (2)一樹 (3)歸坪 (4)歸身
<其他省略>
------------------------考試結束----------------------------
戴在臺灣，春夏秋冬都有花好看，無論係草花（1）樹花，各色
各樣，總愛你想得着个(2)，花色就有。逐(每)年春天係賞花个季節，
有人會去出名个觀光景點，還有人走到外國去看花。老實講，臺灣
个花就分人看毋完，莫講全年斯有个蘭花，（3）樹花斯有當多當靚
个好看，三月苦楝樹開出(4)紫色个溫柔，四月香絲樹開到滿樹个黃
金，五月个桐花滿山滿屻像落雪，六七月荷花鬧蓮塘，秋菊開煞冬
梅競芬芳，還有講毋完个櫻花紅遍全臺，臺灣正經係寶島。