加載中. ..
PDF
共 10 頁之第 1頁 海陸 5
《請翻頁開始作答》
請考生依指示填寫
准考證號碼最後四位數
102年度客語能力認證中級暨中高級考試
【口試】參考答案卷（海陸腔）
※ 請考生定著愛看過考試說明後，正來作答。
說明：
壹、口試題型分四種：一、華語轉換客語，二、朗讀測驗，三、看
圖講故事，四、聽力閱讀測驗。
貳、第一、二、三題型考題，題目會列在題目卷當中，包括華語轉
換客語、朗讀測驗、看圖講故事，請照等音檔个指示，口頭回
答。無照規定回答，就無算分數。
參、第四題型係聽力閱讀測驗，無提供題目卷，請大家聽過題目了
後，將正確个答案填入答案卡內，毋使口頭回答。
◎請用2B鉛筆作答。
◎劃記愛粗、愛烏、愛清楚、毋好劃出格仔，捽愛捽淨，做毋
得用立可白抑係其他个修正帶；若係劃記無清楚，機器無法
度辨認，就無算分數。
◎答案卡愛保持淨俐，做毋得摺着。
共 10 頁之第 2頁 海陸 5
《接次頁》
一、華語轉換客語：
〈說明〉請將聽着个華語，轉換變客語講出來。
測驗時間：大約6分鐘，共15題。每題唸一遍。
單元分數：每題4分，總分60分。
〈範例〉題目：彗星不是每年都能看得到的天象。【請回答】
解答：掃把星毋係逐年就看得着个天象。
1. 那麼晚了你還要去哪？天亮再去吧！ 【請回答】
(恁暗咧你還愛去哪？天光正去哪！)
2. 講話小聲些，不然的話，嬰兒會嚇著。 【請回答】
(講話細聲兜仔，係無，嬰兒仔會著驚/嚇着。)
3. 以前人說：要抱得起大飯甑，才能娶老婆。【請回答】
(頭擺人講：兜得飯甑起，正討得餔娘。)
4. 紡織業越來越進步，內衣的質料越做越細。 【請回答】
(紡織業越/緊來越/緊進步，底衫仔个質料緊做緊幼。)
5. 小孩子放風箏時，整顆心隨著風箏飛上飛下。 【請回答】
(細人仔放紙鷂仔，歸隻心肝跈等紙鷂仔飛上又飛下。)
6. 我親家母在大井頭邊開小吃店，生意還不錯。 【請回答】
(吾且姆在大井頭邊脣開點心店，生理還異/盡做得。)
7. 不必聽那些人的話，人多嘴雜，自己要有主見。 【請回答】
(毋使聽該兜人个話，十嘴九尸朏，自家愛有主張。)
8. 新春時候，也是踏春時節，大家去客家莊走一走。 【請回答】
(新正年時/頭，乜係行春時節，大家來去客家莊遶遶啊。)
9. 他看到他儲金簿的錢越來越多，心情也跟著開朗起來。 【請回答】
(佢看着厥貯金簿个錢緊來緊多，心肝也緊來緊開。)
10.
你這病一定要去看醫生，不要太疏懶，拖久會變重症。 【請回答】
(若這病定著愛去分先生看，毋好恁/忒懈怠，拖久會變惡症。)
11.
為人父母要公平，千萬不可有大小眼。【請回答】
(做人爺哀愛平心/公平，絕對毋好有大細目。)
12.
道路狹窄的路段，雙向錯車會很困難。【請回答】
共 10 頁之第 3頁 海陸 5
《接背面》
(路狹个位所，相閃車會當困難。)
13.
到底對還是不對，下雨天還穿得一身雪白。【請回答】
(算來著抑毋著，落水天著到一身白雪雪仔。)
14.
阿盛他太太懷孕了，他早就把雞養好等著了。【請回答】
(阿盛厥餔娘有身項/擐大肚咧，佢早早就雞仔畜便嘍。)
15.
農民非常辛苦，晝夜不分，常常忙到披星戴月。【請回答】
(耕種人當辛苦，有日無夜，做到兩頭烏。)
二、朗讀測驗：
〈說明〉本大題總共5小題，請照題目內个文字，用客話一字一字朗讀出來。
請照提示順序回答。
測驗時間：約4分鐘。
單元分數：每小題8分，總分40分。
〈範例〉題目：(一)增廣昔時賢文
△ 鶯花猶怕春光老，豈可教人枉度春。
△ 長江後浪推前浪，世上新人換舊人。
（一） 增廣昔時賢文【請開始讀】
△
△
△
△
當時若不登高望，誰信東流海樣深。
近水樓臺先得月，向陽花木早逢春。
酒逢知己飲，詩向會人吟。
有意 栽花花不發，無心插柳柳成陰。
（二） 詩歌【請開始讀】
△
△
朝辭白帝彩雲間，千里江陵一日還；
兩岸猿聲啼不住，輕舟已過萬重山。
初月如弓未上弦，分明掛在碧霄邊；
時人莫道蛾眉小，三五團圓照滿天。
（三） 諺語【請開始讀】
△
△
雞子出世無乳食，鴨子出世無爺娘。
燈籠恁靚愛點燈，阿妹恁靚愛笑容。
共 10 頁之第 4頁 海陸 5
《接次頁》
△ 瓠仔老，好做杓；菜瓜老，好洗鑊；
苦瓜老，綻琢琢；人到老，無落著。
（四） 童謠【請開始讀】
△
△
月光華華，細妹煮茶，阿哥兜凳，
人客食茶，滿姑洗身，跌忒手巾，
麼人拈着，細嫂拈着，愛還
抑毋還
。
阿啾箭，阿啾唧，上屋叔婆做生日，
毋知愛分
去，抑毋分
去，害
打扮兩三日。
（五） 山歌【請開始讀】
△
△
有閒時節唱山歌，人生毋使超過勞；
富貴貧窮命注定，身體健康快樂多。
對面看着蓮花紅，想愛摘花路難通；
等到路通花又謝，菜籃㧡水無採工。
三、看圖講故事
〈說明〉總共2題，請先看圖，詳細思考，自由發揮，逐題就會有鈴仔聲提醒，
請在聽着鈴仔聲後，用客話錄音回答。
測驗時間：約4分鐘，共2題，每題2分鐘。
單元分數：每題20分，總分40分。
〈參考回答方式〉
做得在圖片中看出有：哪兜人、麼个人、在麼个時間、麼个所
在、用着麼个東西、做麼个事情、總下个目的係做麼个等等來
思考、發表。
共 10 頁之第 5頁 海陸 5
《接背面》
第1題：共下來煮食
【請思考後回答，時間 2 分鐘】
第2題：愛惜動物
【請思考後回答，時間 2 分鐘】
共 10 頁之第 6頁 海陸 5
《接次頁》
四、聽力閱讀測驗：
〈說明〉本大題分兩部分。無印出題目，單淨提供答案選項。
測驗時間：約10分鐘，共15題。
單元分數：每題4分，總分60分。
（一）1到10題，你會聽着一隻題目，每題有四隻答案，請選出最適當个答
案號碼，劃記在答案卡項。
題目開始：
( 2 )
1.明明係景氣毋好，手頭緪，大家還相爭比背搶等買化妝品。
(1) 大家手項揢等錢，搶等去買化妝品。
(2) 大家明明係無長錢，還搶等去買化妝品。
(3) 景氣毋好，拚事拚到手痛，毋過總係好買化妝品。
(4) 大家明明係無錢，毋過還搶等去割化妝品來賣。
( 4 )
2.還細時節，長透擐水去灌土狗仔。
(1) 還係細人仔時節，輒常擐水去摎狗仔洗身。
(2) 還係細人仔時節，輒輒擐水去灌細狗仔。
(3) 做細人仔時節，不時擐水去洗地泥。
(4) 做細人仔時節，輒常擐水去灌土狗仔。
( 3 )
3.停電咧，歸庄頭暗摸叮咚，摸鼻公就毋着。
(1) 停電咧，庄頭个人摸等鼻公行路。
(2) 停電咧，庄頭个細人仔在該搞粉家啦。
(3) 停電咧，歸庄頭暗摸摸，看毋着東西。
(4) 停電咧，歸庄頭暗摸摸，大家去拿手電筒。
試題範例: 解答範例:
(考試時淨唸題目，無提供文字)
（聽）這恁久天時緊來緊燒暖咧。
（看）（1）最近天時緊來緊熱咧。
（2）已經有盡久無燒暖爐咧。
（3）晒過个被骨蓋着較燒暖。
（4）最近當多人發燒，
越來越緊張。
●○
2○
3○
4
共 10 頁之第 7頁 海陸 5
《接背面》
( 2 )
4.厥喉嗹頭發紅，可能係感冒。
(1) 厥喉嗹頭挲到紅紅，怕係冷着咧。
(2) 厥喉嗹頭發炎，怕係冷着咧。
(3) 厥面頰卵腫到紅紅，怕係冷着咧。
(4) 厥頸根紅紅，怕係感冒咧。
( 1 )
5.地豆放到擂缽項擂末，來分老人家傍飯。
(1) 將地豆用擂缽擂做地豆麩，分老人家做菜。
(2) 將地泥下種个豆仔磨粉，分老人家傍飯。
(3) 將地豆放在擂缽裡肚貶貶啊，老人家較食得落。
(4) 將地豆放在擂缽裡肚擂變粉，分老人家準飯食。
( 4 )
6.這下係緊工時節，無閒直掣，等下正將等路送分你。
(1) 這下天時暗咧，趕事當無閒，韶早正將等路送分你。
(2) 這下做水利工程，當無閒，下二擺正將等路送分你。
(3) 這下盡逼，當緊張，後日正將等路送分你。
(4) 這下趕農事，當無閒，等加一下正將等路送分你。
( 3 )
7.性體暮固个人，較會分人誤會人緣差。
(1) 硬頸毋聽人講个人，較無人緣。
(2) 身體當砸个人，盡好講話，較會分人感覺人緣毋好。
(3) 恬恬毋多講个人，較會分人誤會人緣毋好。
(4) 孤栖个人，較會分人誤會毋插人。
( 1 )
8.嬌尸个細人仔，陣陣上，越來越上勝，無驚人。
(1) 嬌尸沷沷个細人仔，無大無細，毋驚人。
(2) 細人仔會做嬌，人緣緊來緊好，無驚人。
(3) 滿女盡毋上教，無大無細，毋驚人。
(4) 滿女盡靚，毋過越來越毋上教，無驚人。
( 1 )
9.朝晨頭有一隻包仔，無就一粒飯糰，就罅擺咧。
(1) 朝晨頭食一隻包仔，無就一粒飯糰，就飽咧。
(2) 朝晨頭愛有一隻包仔摎一粒飯糰，正罅食。
(3) 朝晨頭个包袱仔裡背，盡好放等一粒飯糰做早餐。
(4) 朝晨頭食一隻包仔，過食一粒飯糰，還係無飽。
共 10 頁之第 8頁 海陸 5
《接次頁》
( 2 )
10.細人仔搞到無東西好搞，連盆頭缽仔就分佢搬出來搞。
(1) 細人仔無錢買玩具，拿鑊仔盆頭分佢搞。
(2) 細人仔盡賤，連鑊仔盆頭都搬出來搞。
(3) 細人仔搞粉家啦，用瓦爿仔準鑊仔盆頭來搞。
(4) 細人仔好搞鑊仔盆頭，你就分佢兜搬出來搞！
（二） 11 到 13 題，係一隻題組；14 到 15 題，係另外一隻題組；你會聽
着一段文章，請記下重點；接等你會聽着一隻題目，每題有四隻答
案，請選出最適當个答案號碼，劃記在答案卡項。
試題範例: 解答範例：
考試時淨唸文章同題目，無提供文字)
（聽）頭擺人想尋對頭結婚，常常用偷看个方式。
一個跛腳个驚分人知佢跛腳，所以騎等馬去偷看新娘。
一個痀背个細阿姊仔驚人知佢痀背，詐意背痀痀在菜園
摘菜分佢偷看。兩儕結婚咧，正知對方个缺點。
老公講：「
恁愛，你恁愛，
假騎馬，你假摘菜。」
餔娘講：「
恁愛，你恁愛，你假騎馬，
假摘菜；
一生人就愛恩愛。」
（聽）跛腳个做麼个騎等馬去偷看？
（看）（1）驚見笑。
（2）驚生份。
（3）偷看較生趣。
（4）驚人知自家个缺點。
○
1○
2○
3●
共 10 頁之第 9頁 海陸 E
《接背面》
（接下來 11 到 13 題係一隻題組，請聽下背个文章摎每題个題目後正回答）
(聽) 阿炎厥公今年八十大零歲，身體雖然還異健，毋過腳氣毋好，原
旦戴十八兒山林壁壢角，上下有罅難礙豺。大前年年下仔正徙來
竹北，摎倈仔孫仔共下，戴个係社區大樓个販仔屋，向等河壩脣
該片个十六樓，間房正西照日，係好天，逐日臨暗仔交椅凭等，
對窗門看啊出，就看得着日頭落海，佢盡輒看日頭落海。阿炎厥
公摎
講，想看日頭落海，愛到光復節過正做得，該之前日頭還
金金，金脂百亮當晟眼。新曆十一月起勢，貼貼到十二月轉初，
該日頭落海盡靚盡好看。下把仔看着下向歸長浪賁賁个烏雲，承
等圓圓紅紅个日頭，日頭晟轉清清个天，形成這一片紅霞紅霞、
該一片黃橙黃橙个彩雲。離較遠兜个，還係本本白罕白罕，像潑
石仔勻開來个魚鱗，也像分風噴散个棉花，歸天頂个景致變化又
多又靚，分人看到入神失魂。
( 4 )
11.
阿炎厥公原旦戴十八兒，該方所在係仰般？
(1)
偎河壩竹排撐得到。
(2) 偎街路交通利便。
(3) 平洋車仔駛得到。
(4) 當背僻交通困難。
( 2 )
12.阿炎厥公現下戴个間房，對窗門看出去係哪片爿？
(1) 東片。
(2) 西片。
(3) 北片。
(4) 南片。
( 3 )
13.阿炎厥公看着像潑石仔勻開來个魚鱗雲，係仰仔个？
(1) 黃橙黃橙。
(2) 紅霞紅霞。
(3) 白罕白罕。
(4) 烏金烏金。
共 10 頁之第 10 頁 海陸 5
《考試結束，請雙手離開桌面；題目卷、答案卡做毋得帶出考場》
（接下來 14 到 15 題係一隻題組，請聽下背个文章摎每題个題目後正回答）
(聽) 頭擺耕種人，田項个聲事，犁田、蒔田、挲草、割禾逐項都愛會做，
無一項攉得忒。在台灣北部農曆六月係緊工時節，過晝邊仔，係堵着
打風馳，耕種人看着天頂烏雲揜啊轉來，晝就無怕食，跋起身，煞煞
起腳花，三步準兩步走，拚到禾埕收穀，捍盪个捍盪，拉索个拉索，
耙个耙，掃个掃，歸屋下無分大人細子就著
手，正經像人講个：「六
月天公家神牌會停動」，確實有影，半息就毋會差。
( 4 )
14.六月緊工時節，過晝邊仔，係堵着打風馳，耕種人會仰般？
(1) 起腳花，三步準兩步走，去禾埕挷大索。
(2) 下晝做事毋得，食晝定定仔來。
(3) 驚盪耙涿溼，煞煞去擎盪耙轉屋。
(4) 飯無怕食，煞煞去禾埕收穀。
( 1 )
15.「六月天公家神牌會停動」係講麼个？
(1) 六月緊工時節，耕種人歸屋下大人細子就當無閒。
(2) 六月緊工時節，長透堵着打風馳。
(3) 六月頭，天公會來耕種人屋下尞。
(4) 六月頭，阿公婆牌長透毋見忒。