加載中. ..
PDF
四縣版
1
客語能力認證考試【中級暨中高級】
口語測驗 樣卷
考試說明：
口語測驗分做三種題型：1.華語轉換客語；2.朗讀測驗；3.口語表
達。
測驗時間大約20分鐘。
請你照等題目个指示，口頭回答。每一隻題目會唸分你聽，還有鈴
仔聲提醒你時間。
係講你試着聲音聽毋清楚、抑係忒大聲，這下請擎手同監考先生反應。
係無麼个問題，請開始考試。
--------------------開始作答----------------------
四縣版
2
一、華語轉換客語(共3題)
請你先聽下背个華語句仔了後，改用客語講出，開始回答時會提醒
”請回答”，回答个時間大約 15 秒，時間到鈴仔會響一聲。
1.吃這麼一點而已，不過癮，不夠塞牙縫。(文字+語音)
<請回答>食着一息仔定定，無過願，毋罅楔牙縫。……<鈴>
<其他省略>
二、朗讀測驗(共3題)
1、韻文朗讀：請同下背這三篇韻文用客語讀出來，3篇共下準備个時
間1分鐘，朗讀時間共 1分鐘。開始準備時會提醒”請準備”，開始
朗讀時會提醒”請開始讀”，結束時鈴仔會響一聲。
<請準備>……<請開始讀>……<鈴>(無文字，僅語音)
第2篇<請準備>……<請開始讀>……<鈴>(無文字，僅語音)<文略>
羊咩咩，十八歲，坐火車，轉外家，
兩斗米，打粢粑，無糖好搵搵泥沙。
少小離家老大回，鄉音無改鬢毛衰，
兒童相見不相識，笑問客從何處來。
葡萄美酒夜光杯，欲飲琵琶馬上催。
醉臥沙場君莫笑，古來征戰幾人回？
四縣版
3
2、散文朗讀：請同下背這 2篇短文用客語讀出來，逐篇準備時間 1
分鐘，朗讀時間 2分鐘。開始準備時會提醒”請準備”，開始朗讀時
會提醒”請開始讀”，結束前 10 秒鈴仔會響一聲提醒，結束時鈴仔
會響兩聲。
第1篇<請準備>……<請開始讀>……<鈴>……<鈴鈴>(無文字，僅語音)
第2篇<請準備>……<請開始讀>……<鈴>……<鈴鈴>(無文字，僅語音)
<文略>
母親節前一禮拜日，阿真跈阿爸去蹶獅頭山，正出門無幾
久，順等台三線，歸路仔隔遠就看得着半山排項，這一搭該一
搭白白，像雪樣仔在樹尾頂𠖄等，人講佢係五月雪，也就係油
桐花。
獅頭山到哩，阿真兩子爺對藤坪蹶起勢，斡到六寮捩啊轉，
看着蓬白个油桐花，開到榮榮盡靚，恁堵好一陣風吹來，有幾
蕊仔油桐花，親像觀音娘騰雲个蓮花座，也像遮兵落下遮，悠
悠然輕輕仔飄下來。路項乜有看着歸陣仔盡靚盡幼秀个青鸝
仔，在該樹蓬肚樹椏頂，躍上躍下，盡得人惜。
四縣版
4
三、口語表達(共3題)
請照等題目个指示，用客語回答問題。下背這 2題準備个時間有 30
秒，大約用 6到7句話來回答。開始準備時會提醒”請準備”，開始回
答時會提醒”請回答”，結束時鈴仔會響一聲。
1. 同學湊你下課後共下搞，毋過你想愛轉屋下，愛仰般客氣推忒佢
呢?(文字+語音)
<請準備>……<請回答>…敗勢哦!今晡日吾姆千交代萬交代，喊𠊎下課
後遽遽轉屋下，下擺有機會正共下搞。…<鈴>(無文字，僅語音)
2. <題略>
接下來這題，準備時間 1分鐘、回答時間 2分鐘。開始準備時會提醒
”請準備”，開始回答時會提醒”請回答”，結束前 10 秒鈴仔會響一聲提
醒，結束時鈴仔會響兩聲。
3. 這駁仔東西緊起價，工錢又無增加，你試着愛加班來賺兜仔所費？
還係準時下班享受生活品質？請講看哪若看法。(文字+語音)
<請準備>……<請回答>……<鈴>……<鈴鈴>(無文字，僅語音)
------------------------考試結束-------------------------