本土兒童詩詞介紹、賞析藍淑貞老師
簡歷：
台南師範普師科畢業、高師大國文系畢業、高師大國文研究所結業。
國小、高中職老師退休；各縣市台語種子教師培訓班講師；各大學台語研習班講師。
台南市、金門縣鄉土語言補充教材編輯指導老師。
91年台灣公共電視台專訪，製作「台灣圓仔花」專集。
台南市社區大學台語學程講師。
南一書局國小閩南語教材主編。
公共電視台「磅米芳台語教室」囡仔歌和教案編寫。
台南市菅芒花台語文學會理事長。
現任
台南市紅樹林台語推展協會會長。
台南市本土教育推行委員。
愛智圖書公司「咱的囡仔歌」審定。
得獎記錄：
88年第一屆土城聖母廟台語文史營文學獎散文組第一名。
89年台南市POWER教師獎。
89年《思念》台語詩集入選南台灣文學－台南市作家作品集。
90年南師傑出校友獎（教學類－鄉土文化、台語文學研究及創作）
93年第十二屆南瀛文學獎《行過這塊土地》台語詩集，獲現代詩創作獎首獎。
94年文化總會第二屆台灣之歌歌詞創作徵選入選獎。
94年第十一屆府城文學獎散文類集結成冊正獎；單篇散文佳作。
94年第十三屆南瀛文學獎散文佳作。
95年第十四屆南瀛文學獎散文優勝。
97年教育部推展母語傑出個人貢獻獎。
著作：
台語詩集：《思念》台南市作家作品集、《台灣圓仔花》。
◎台灣囡仔歌詩集：《愛食鬼》、《雷公伯也》。
台語教材：《逐家來學台語》施炳華、藍淑貞合編、《台語說唱藝術》、《細說台灣諺語》、《台灣囡仔歌的教學佮創作》、《台語演講得勝祕訣》、《最新台灣三字經》。
台語散文集：《心情的故事》。
其他：
◎ 日頭花囡仔歌CD
踏話頭：
由一條唸謠講起－
大竹竿，小竹竿，三姐妹，一樣高；大姐嫁給金打箱，二姐嫁給銀打箱，三姐嫁給破皮箱；大姐回來殺一隻豬，二姐回來殺一隻羊，三姐回來找一個雞蛋，還要留個黃；天也平，地也平，只有父母的心不平！
貳、台灣囡仔歌詩的意義：
1、囡仔歌詩是一種特別重視節奏、聲韻的美感，讀起來紲喙自然，內容生動活潑、
適合囡仔唸唱或者是朗誦的詩作。
2、囡仔歌詩比較較樸實、坦直、純真，伊的內容無大人文學的深刻、造作的現象，干
焦強調節奏、聲韻上的音樂性，會當予囡仔唸唱抑是朗誦的時，直接感受著伊的趣
味，產生歡喜、感動的感情，慢慢仔受著感化，增加智識、擴大生活經驗，培養優
雅的性情，接受文學的能力。
3、囡仔歌詩愛根據兒童的生活經驗，能力、興趣佮需要所創作的，是欲予囡仔讀的文
學作品。
4、囡仔歌詩愛有教育性、啟發性，會當帶予囡仔快樂，引行向真善美的人生。
參、傳統的台灣囡仔歌
一、傳統的台灣囡仔歌的意義
1. 記錄先民的生活佮思想
2. 彌補學前教育的不足
3. 培養囡仔的思考能力
4. 培養台語文學的基礎
二、傳統的台灣囡仔歌的分類：
按照歌詞的內容，會當分做下面六種：
（一）搖囝歌（搖籃歌）
1.嬰仔睏
嬰仔oonn oonn睏，一暝大一寸；嬰仔oonn oonn惜，一暝大一尺。
2.搖啊搖
搖啊搖，搖啊搖，搖囡仔愛睏愛人搖；搖囡仔，搖囡仔，愛睏愛人搖。
3.搖金囝
搖金囝，搖金囝；搖豬跤，搖大餅；搖檳榔，來相請。
4.搖啊搖
搖啊搖，搖啊搖，搖到內山去挽茄，挽偌濟？挽一飯篱，也好食，也好賣，也好予嬰仔做度晬(tsè)。
5.搖老搖－屏東一帶
搖仔老搖，搖仔老搖，搖來搖去，搖到彼條烏審力橋 ；
橋邊雙爿樹木花蕊青tshioh tshioh，橋跤一條清清溪水流袂歇。
搖仔老搖，搖仔老搖，搖來搖去，搖到彼條烏審力橋 ；
恿嬰古錐，親像花蕊呅呅笑，阿爹阿娘無時無陣疼惜惜。
搖仔老搖，搖仔老搖，搖來搖去，搖到彼條烏審力橋；
恿嬰
大，暝大一寸，日大一尺，連鞭會行，連鞭會走也會叫。
（二）成囝歌
一歲兩歲手裡抱，三歲四歲塗跤趖。
五歲六歲漸漸大，有時頭燒佮耳熱。
七歲八歲真
吵，一日顧伊兩支跤。
九歲十歲教針黹，驚伊四界去經絲。
十一十二愛拍罵，此去就那學做衫。
十三十四學煮菜，一塊桌面辦會來。
十五十六欲轉大，驚伊佮人去風花。
十七十八做親情，一半歡喜一半驚。
（三）民俗唸謠
1.鴨卵身
鴨卵身，雞卵面，予你後擺好親情來相媵。
獵鴞 獵鴞飛上山，囡仔快做官，獵鴞 獵鴞飛懸懸，囡仔中狀元
獵鴞 獵鴞飛低低，囡仔快做爸。
2.收瀾歌
收瀾收離離，明年招小弟；收瀾收焦焦，明年生膦脬。
3.一二三四
一二三四，囡仔人褪裼(thǹg theh)無代誌，土地公伯仔來保庇。
4.目睭掣
目睭掣(tshuah)，好事來，歹事煞，觀音佛祖來改撥。
5.目睭公
目睭公，目睭婆，歕歕咧連鞭好。
6.補衫歌
身軀穿，身軀縫（pàng），啥人賴我做賊喙生蟲：
身軀穿，身軀補（póo），啥人賴我做賊喙艱苦。
7.做雞做鳥.
做雞做鳥無了時，緊死緊出世，出世大厝人囝兒（富貴人囝兒）。
8.十二生相歌
(1)一鼠、二牛、三虎、四兔、五龍、六蛇、七馬、八羊、九猴、十雞、十一狗、十二豬
(2)一鼠賊仔名，二牛駛犁兄，三虎上(tsiūnn)山坪，四兔遊東京，五龍皇帝命，六蛇人人驚，七馬步兵營，八羊食草命，九猴
（peh）樹頭，十雞啼三聲，十一狗顧門埕，十二豬菜刀仔命。
（四）迌歌
1.挨磨仔：
挨（e）啊挨噓噓（gū），刣雞請阿舅，阿舅食無了，賰（tshun）一支雞跤雞跤爪，予嬰仔食無夠，蹛佇後尾門仔嗎嗎吼。（予××咧弄弄走，予××逐一下車糞斗。）
2.點水缸
(1)點啊點水缸，啥人放屁爛尻川？
點啊點茶鈷，啥人今暗欲某？
點啊點茶甌，啥人今暗來阮兜(gún tau)？
點啊點紛紛，啥人食飽去做軍？
點啊點tsa̍t tsa̍t，啥人食飽去做賊？
(2)點啊點水缸，啥人放屁爛尻川，
欲認你就認，毋認尻川爛到面，
欲臆你就臆，毋臆尻川貼糊藥，
欲講你就講，毋講尻川鬥竹栱。
3. 掠指頭仔
林投、戴斗，木蝨、虼蚤，虼蚤無覕，老公仔保庇，尪仔頭嘰啁（tsī tsiú）。
4. 炒米芳
一的炒米芳，二的炒韭菜，
三的沯沯滾(tshiàng tshiàng kún)，四的炒米粉，
五的五將軍，六的六囝孫，
七的分一半，八的
(peh)梁山，
九的去做官，十的徛(khiā)咧看。
拍你千，拍你萬，拍你一千空五萬，
羞羞羞，袂見笑。
5.抾沙包（抾嘓）
放雞鴨
一放雞，二放鴨，三分開，四做堆（相疊），五搭胸，六拍手，
七圍牆（七紡紗），八摸鼻，九扭(giú)耳，十抾(khioh)起。
6.跳索仔
弓蕉欉，繡球紅，開花二十一，二五六，二五七，二八二九三十一。
（五）幻想歌
1.台灣以前是農業社會，以種稻仔為主，佇田園，隨時都有當看著白鴒鷥飛來飛去，
所以囡仔歌以白鴒鷥做起頭的真濟。
(1)白鴒鷥，車糞箕，車到溪仔墘，跋一倒，抾著兩sián錢。一sián儉起來好過年，一sián買餅送大姨。
(2)白鴒鷥，擔柳枝；柳枝重，擔箸籠；擔箸輕，擔菅蓁，菅蓁浮，羊仔觸著牛；
牛仔嗎嗎吼，羊仔觸著狗；狗咧吠，吠欲代？吠欲食凊糜；凊糜猶未煮，吠欲
食鳥鼠；鳥鼠猶未刣（thâi），吠欲食王梨；王梨伊毋食，吠欲食花菜；花菜猶未
買，吠欲食老婆的尻川髀。
2.因為火金姑是以前農業社會時常看著的，閣是囡仔上愛耍的小動物，所以台灣囡
仔歌，以火金姑做起頭的真濟。
(1)火金姑（北部）
火金姑/來食茶/茶燒燒/配弓蕉/茶冷冷/配龍眼/龍眼會開花/匏仔換冬瓜/冬瓜好煮湯/匏仔換粗糠/粗糠欲起火/九嬸婆仔
(gâu)炊粿/炊甲臭火焦(ta)兼著火。
(2)火金星（流傳佇南部）
火金星/十五暝/暝弄鼓/先生娘/大腹肚/正月生查甫/二月生查某/做我船/拍我鼓/食我白米飯/配我鹹菜脯。
(3)我細漢唸的
火金星/十五暝/請恁姨仔姑仔來食茶/茶茶芳/賣雜細/做媒人/做佗位/做大房/大房好刣豬/二房好刣羊/拍鑼拍鼓娶新娘/新娘懸抑低/攑椅仔拜老爸/老爸無穿襖/攑椅仔拜兄嫂/兄嫂無穿裙/攑椅仔拜龍船/龍船嗑嗑飛/攑椅仔拜生鍋/生鍋沯沯 滾/攑椅仔拜竹筍/竹筍噗噗跳/大頭仔死翹翹。
3.臺灣的天氣，熱天時，常常（定定）落雨，南部閣常落西北雨，囡仔愛耍水，落雨天，予囡仔真大的想像空間，所以有關落雨的囡仔歌真濟。
(1) 天烏烏
天烏烏，欲落雨，阿公仔攑鋤頭欲掘芋，掘啊掘，掘啊掘，掘著一尾蝍仔魚，
欲娶某。龜擔燈，鱉挵鼓，水蛙扛轎大腹肚，魚仔蝦仔弄車鼓。
(2) 西北雨
西北雨直直落，鯽仔魚欲娶某，鮕鮘兄拍鑼鼓，媒人婆仔塗虱嫂，
日頭暗揣無路，趕緊來火金姑，做好心來照路，西北雨直直落。
西北雨直直落，白鴒鷥來趕路，盤山嶺過溪河，揣無岫跋一倒，
日頭暗欲怎好，土地公土地婆，做好心來帶路，西北雨直直落。
4. 以
蜅蠐做起頭：
蜅蠐，吼咧咧；吼欲代？吼欲嫁。嫁佗位？嫁柴梳；柴梳欲梳頭，嫁老猴；
老猴欲
樹，嫁和尚；和尚欲唸經，嫁銃兵；銃兵欲出戰，嫁菜燕；菜燕真好
食，嫁乞食；乞食欲分錢，想來想去挲紅圓。
5. 以月光做起頭的 ：
月光光，秀才郎（nn̂g）；騎白馬，過南塘；南塘袂當過，掠貓仔來接貨；接貨接
袂著，舉竹篙，摃獵鴞；獵鴞phut phut飛，舉竹篙，摃茶鍋；茶鍋沯沯滾，一个
查某偷遏(at)竹筍；遏幾支？遏兩支；一支送童生，一支送秀才；秀才騎馬弄弄來
閹雞掠來刣；刣澈澈（theh theh），放火燒大伯；大伯走上山，放火燒豬肝；豬
肝臭薟薟，麻油糊豆簽；豆簽噗噗彈，掠臭頭雞仔來搵瀾。
6. 滾笑歌
(1) 阿財
阿財，阿財，天頂跋落來；有喙齒，無下頦(hâi)；有腹肚，無肚臍；叫先生，叫袂來；叫師公，拖去坮(tâi)。
(2) 秀才
秀才！秀才！騎馬弄弄來；佇馬頂，跋落來；跋一下，真厲害；
喙齒疼，糊下頦；目睭疼，糊目眉；腹肚痛，糊肚臍；嘿！真厲害。
(3) 新娘
新娘新娘媠噹噹，褲底破一空；頭前開店窗，後壁賣米芳；米芳無人買，跋落屎礐（ha̍k）仔底。
(4) 人插花
人插花，伊插草；人抱嬰，伊抱狗；人未嫁，伊先走；人坐轎，伊坐糞斗；
人睏紅眠床，伊睏屎礐（ha̍k）仔口。
(5) 圓仔花
圓仔花，毋知
(bái)；大紅花，
毋知。
(6) 大箍呆
大箍呆，炒韭菜，燒燒一碗來，冷冷阮無愛。
(7) 大頭仔
大頭仔（喙唇）一粒珠，相拍（講話）毋認輸，舉竹篙摃金龜；
金龜一下飛，大頭仔放風吹；風吹斷了線，大頭仔家賄去一半。
(8) 愛哭神
愛哭神，愛哭神，食飯配塗豆仁，早睏晏精神。
(9) Do Re Mi
Do Re Mi,大頭仔拈田嬰（tshân inn），田嬰天頂懸，大頭賣肉丸，肉丸苦苦
毋好食，大頭仔賣木屐(kia̍h)，木屐毋好穿，大頭仔真僥倖(hiau hīng)。
(10)鳥面祖師公
鳥面祖師公，白目眉，無人請，家己來，一个面是笑咍咍(hai hai)，笑甲一个喙仔裂sai sai。 到底笑啥代，夯椅頭仔看目眉，椅頭仔踏無好，跋落來。
(11)木虱欲嫁虼蚤翁
木虱欲嫁虼蚤翁，欲叫蠓仔做媒人，虱母搖頭講毋通，虼蚤毋是妥當人，牛蜱大隻閣厚重，嫁伊才會親像人。
註：虼蚤，跳蚤。昆蟲名。體形很小，暗褐色，後腿長而有力，善跳躍。多寄生在哺乳動物或禽鳥身上，吸吮血液為生。
木虱，床蝨、臭蟲。身體呈橢圓且扁平，喜愛乾燥，白天大多藏在地板、牆壁或草蓆的縫隙，晚上則爬出來吸食人和牲畜的血，是一種會傳染疾病的寄生蟲
(12)阿三仔
一二三，阿三仔去內山。四五六，阿三仔去斗六。七八九，阿三仔去海口。
十十一十二，阿三仔去嘉義。
7. 生活歌：記錄先民的生活佮思想
7-1年節歌
(1) 初一早
初一早，初二早，初三睏甲飽，初四接神，
初五隔開，初六舀肥，初七七元，初八原全，
初九天公生，初十有食食，十一請囝婿，
十二查某囝轉來拜，十三食飲（泔）糜仔配芥菜，
十四結燈棚，十五上元暝。
(2) 正月正
正月正，請囝婿，入大廳。
二月二，豬公，謝土地。
三月三，桃仔李仔，雙頭擔。
四月四，桃仔來，李仔去。
五月五，龍船鼓，水裡渡。
六月六，踏水車，拍碌碡。
七月七，龍眼烏，榭榴必。
八月八，鉤豆藤，挽豆莢。
九月九，風吹滿天吼。
十月十，冬瓜糖霜落薦盒。
十一月，人燃火。
十二月，人吹粿。
註：稻子收割完之後，要翻土，稱之「牛施樹犁、深耕翻土」，其次要套上割鈀去切割泥胚，稱之「踏割鈀」，接著又要拉著犁再去翻一次土，稱之「翻轉軟胚」，然又換上耙，整理凸凹不平的泥，稱之「耙田趕工」，如果泥土軟化良好，就是草禾未腐，則必須套上碌碡，把草根硬土壓入泥底深土下，稱之為「打碌碡」。
(3)七月初七七娘生
七月初七七娘生，牛郎織女欲相見。保庇阮，好針黹，嫁好翁，
趁錢。別日若
好額，才來答謝天。
7-2 生活背景
(1) 頭髻梳向向
頭髻梳向向，聽著漳泉拼，欲走跤骨疼，毋走無性命。
(2) 艋舺龜
艋舺龜，刣頭搵火灰（ùn hué hu）；艋舺鳥，大稻埕死了了。
(3)杏仁茶
杏仁茶，杏仁茶，看著警察嗑嗑爬，甌仔摃破四五个，掠去警察衙，雙跤跪
齊齊，「大人啊！後擺我毋敢賣！」
(4)日本欲倒
日本欲倒，台灣人生虱母。
(5) 尪仔穿紅褲
也出日，也落雨，刣豬反豬肚，尪仔穿紅褲，乞食走無路。（走去竹跤邊予狗哺）
(6) 愛疏開
愛疏開，毋疏開，啄鼻仔來，你就知。
(7) 坐牛車
坐飛機，看天頂。坐大船，看海湧。坐火車，看風景。坐汽車，錢較省。
坐牛車，嚶嚶歪歪，順紲挽龍眼。
(8) 鳥仔悲歌（我細漢唸的.藍老師命題）
生落水，水咬浞（tsa̍k），
生落刺，刺會鑿（tsha̍k），
生落草埔，夭壽死囡仔掠去縛。
肆、現代創作囡仔歌詩選讀
現代詩人，真早就開始創作台灣囡仔歌詩，只是因為無受著重視，所以數量無濟，好的作品也無濟。
一、林沉默的〈杜（土）蚓仔圓〉《台語詩一甲子第176頁》
六月天，鳥鼠仔母，生後生。杜（土）蚓仔姐，提塗米，來挲（搓）圓。
挲啊挲，挲圓圓，挲甜甜，挲甲糞箕滇滇滇，一半分鳥鼠，一半分你食免錢。
二、林武憲的〈釣魚〉：《台語詩一甲子第195頁》
魚仔，真快活，佇水裡，唱歌。佇水裡，覕相揣，佇水裡，歕噗噗仔。
將魚仔釣起來，釣魚的人真歡喜，伊毋知水底有魚仔的目屎。
三、紀淑玲〈問田嬰〉：《台語詩一甲子第157頁》
彼一年的熱天，風飛來鵝尾山邊，溪仔水佮伊走相覕，彎彎斡斡足歡喜。
彼一年的熱天，風飛來鵝尾山邊，溪仔水佮伊臆謎猜，一句一句笑微微。
彼一年的冬天，風飛來鵝尾山邊，溪仔水毋知佗位去？烏色的打馬膠路，恬恬毋敢講起！
四、由盧雲生作詞，呂泉生作曲的搖囝歌，意境真好，旋律也誠媠，是目前上出名的搖囝歌：《台語詩一甲子第35頁》
嬰仔嬰嬰睏，一暝大一寸；嬰仔嬰嬰惜，一暝大一尺。
搖囝日落山，抱囝金金看；你是我心肝，驚你受風寒。
嬰仔嬰嬰睏，一暝大一寸；嬰仔嬰嬰惜，一暝大一尺。
一點親骨肉，愈看愈心適(sik)；暝時搖伊睏，天光抱來惜。
嬰仔嬰嬰睏，一暝大一寸；嬰仔嬰嬰惜，一暝大一尺。
攏是一樣囝，哪有兩心情；查甫也著疼，查某也著成。
嬰仔嬰嬰睏，一暝大一寸；嬰仔嬰嬰惜，一暝大一尺。
細漢塗跤爬，大漢欲讀冊；為囝款學費，責任是咱的。
嬰仔嬰嬰睏，一暝大一寸；嬰仔嬰嬰惜，一暝大一尺。
畢業做大事，拖磨無偌久；查甫娶新婦，查某嫁丈夫。
嬰仔嬰嬰睏，一暝大一寸；嬰仔嬰嬰惜，一暝大一尺。
疼囝像黃金，成囝消責任；養到恁嫁娶，我才會放心。
五、阿爸的便當 作者：向陽《台語詩一甲子第50頁》
每一工（日）早起時/天猶未光/阿爹就紮（帶）著飯包/騎著舊鐵馬/離開厝/出
去溪埔共（kā、幫）人搬沙石（仔）。
每一暝阮攏咧想/阿爹的飯包到底啥乜（什麼）款/早頓阮和阿兄食包仔配豆乳/阿爹的飯包起碼也有一粒卵（蛋）/若無按怎替人搬沙石仔？
有一日早起時/天猶暗暗（黑黑）/阮偷偷走入去灶跤（腳）內/掀開阿爹的飯包/無半粒蛋/（干焦）三條菜脯/蕃薯籤參飯。
六、一个埕斗逐家的《徐士欽童詩集》
你飼鴨，我飼雞。你洗衫，我曝被。阿公阿伯無代誌，大樹跤，相對坐。齧（khè
瓜子，哈燒茶。
七、蚼蟻搬山 作者：謝安通
一塊糖仔一粒山，一隻蚼蟻單獨搬。搬啊搬，搬啊搬，袂當搬走這粒山。
一塊糖仔一粒山，一陣蚼蟻做伙搬。搬啊搬，搬啊搬，搬走一粒糖仔山。
八、圳仔水恬恬仔流 選自《黃勁連台語囡仔歌詩集》
日也流，暝也流，圳仔水恬恬仔流。流過鐵枝路邊，發林投的水溝。
日也流，暝也流，田水淹淹流，流來田尾，流來田頭，問咱的土地敢食中晝。
九、春天來 作者：王金選
爸爸的愛，藏佇載阮的車內；媽媽的愛，藏佇阮的飯佮菜，阮兜親像逐工攏有春
天來。（選自愛智《咱的囡仔歌2》）
十、柑仔蜜 作者：向陽
柑仔蜜 紅記記/看著真欲共伊咬一喙
黃昏的日頭/親像柑仔蜜/嘛是紅記記/天公伯 真枵鬼/一喙就共伊吞落去
十一、台灣文化總會「台灣之歌－袂當傷害伊」 曲詞：陳韻如
阮佇咧拈田嬰，田嬰來食餌，食飽放你去，阮耍甲真歡喜。
田岸邊，溝仔墘，四界攏總是，阿公叫阮著放伊去，袂當傷害伊。
阮佇咧掠金龜，金龜真正媠，踮在樹頂食樹籽，阮耍甲真歡喜。
樹仔頂，葉仔墘，攏會看著伊，阿公叫阮著放伊去，袂當傷害伊。
阮佇咧捕/捊金姑，火金姑閃閃爍，親像暗暝的天星，阮耍甲真歡喜。
大路邊，溝仔墘，四界攏總是，阿公叫阮著放伊去，袂當傷害伊。
伍、藍淑貞的囡仔歌詩：選自藍淑貞台灣現代囡仔歌詩集《愛食鬼》《雷公伯也》
一、生活歌：紅龜粿
紅龜粿/白豆沙/真好食/khiū teh the /娘仔今年欲出嫁/
親像紅龜粿/面仔紅紅真歹勢啊 真歹勢
二、趣味歌：肉丸
肉丸 肉丸/真好食/欲來去揣阿娘/阿娘講無錢/欲來去揣阿爹/阿爹穿木屐/khi̍h
khi̍h kho̍k kho̍h/khi̍h khi̍h kho̍k kho̍h/走甲無「看見」（khuàinn）影
三、年節歌：初一早
初一早 恭喜新年笑哈哈
初二早 外媽請阮食魚閣食肉
初三閣較早 阿爸阮去
山
初四接（tsih）神阿母置香案
初五隔開炮仔聲phi̍t pho̍k彈
開工大吉趁錢著流汗
四、生態教育：看著一隻魚
老師
阮去溪邊，看著一隻魚，魚仔佇水裡泅來泅去，
溪水烏烏，溪水無清氣，魚仔強欲袂喘氣。
五、親情教育：妹仔學行路
妹仔今年才一歲/生做肥肥閣白白/行路搖搖真笑詼/阿姐笑伊鴨母蹄
跋一倒/唉唷喂！/阿母的心肝仔慉（tiuh）一下
六、情趣教育：金瓜
金瓜 金瓜 身圓圓/金瓜 金瓜 肚大大/金瓜變做三輪車/欲載囡仔去城外/城外有人咧唱歌/歌聲實在無好聽/欲載囡仔去山嶺/聽鳥仔聲
七、智識教育：花
正月梅花白蔥蔥
二月李仔亂亂弄
三月桃花朱朱紅
四月玫瑰挽入房
五月黃梔黃在欉
六月蓮花媠噹噹
七月茉莉人疼痛
八月風吹桂花芳
九月菊花咧想人
十月含笑有向望
十一杜鵑目箍紅
十二桔仔花芳規冬
八、衛生宣導歌：大摒掃
熱天時雨水濟
蠓蟲颺颺飛
四界傳播流行病
廢車輪草簇內
空矸仔佮盆栽
攏是積水的所在
水蛆活甲真自在
環境衛生若是
傳染病就來
逐家合力來摒掃
無論厝邊抑壁角
無論廢車輪抑盆栽
清乎清氣清氣
蠓蟲毋敢來
九、文學教育：弓蕉
弓蕉弓蕉/皮黃黃 身彎彎/親像一隻船。
我欲坐去挽花插頭毛（mn̂g）/我欲坐去看晚（buán）雲
我欲坐去阿母遐（hia）/講我足心悶
十、搖囝歌：搖啊搖
搖啊搖 搖啊搖/搖到外媽門前彼條橋/阿媽共阮疼惜惜/橋跤溪水流袂歇
搖啊搖 搖啊搖/日頭斜西 紅霞照/親像阿娘仔上花轎/頭氐頁氐頁啊口文口文笑
搖啊搖 搖啊搖/微微的風 吹樹葉/阿母細聲輕輕仔叫/叫阮光陰著寶惜
十一、培養愛鄉愛土的觀念：台灣是寶島
台灣好台灣好/台灣是寶島/弓蕉芳王梨甜/西瓜、檨仔、水蜜桃/人人食了攏呵咾
台灣好台灣好/台灣是寶島/阿里山日月潭/墾丁、南橫、太魯閣/風景媠甲通人褒
台灣好台灣好/台灣是寶島/好徛起好迌/山青水秀美麗島/咱著會曉通寶惜
十二、族群融合：攏是台灣人（高年級）
台灣親像一隻船，停佇太平洋，有時受雨來沃，有時受風來刮，
有時受海湧來潑，台灣猶原堅定徛佇遮。
台灣親像一條蕃薯，徛佇太平洋，毋驚炎日曝，毋驚海水浸，
毋驚落塗爛，囝孫猶原代代湠。
無論是原住民抑是新住民，無論是河洛人抑是客人，
攏共坐一隻船，攏是蕃薯仔囝，攏是台灣人，咱愛互相疼惜愛台灣。
陸、收話尾
唱歌是學語言上好的方法，尤其是低年級的囡仔，課文用歌詩的方式表現上好。唸囡仔歌、唱囡仔歌毋但會當學習母語，對日後詩歌佮文學的創作，嘛會當起造真好的基礎，伊對一个人的影響，會使講是足大而且閣久長的，所以囡仔歌、囡仔詩是教囡仔上好的教材。
台灣文學欲發展，一定愛重視台語文學，台語文學，欲莩穎（pùínn）開花，一定愛對囡仔就開始釘根，台語文學才徛（khiā）會在（tsāi），才有法度生枝發葉。佇封口一百外年了後，有這个機會予咱講母語，教母語，予咱的母語會當一代一代永永遠遠生澶（thuànn）落去，實在是值得咱感心歡喜的，咱遮的做父母佮做老師的，千萬袂使凊彩，一定愛來共伊重視珍惜，負起這項非常重要閣有意義的責任。
柒、附台灣囡仔歌詩教學參考資料
1. 廖漢臣 台灣兒歌 台灣省教育部新聞局出版
2. 黃勁連編著 台灣囡仔歌一百首 台笠出版
3. 邱冠福編著 台灣童謠 台南縣立文化中心出版
4. 林央敏主編 台語詩一甲子 前衛出版
5. 陳昌明編校 徐士欽童詩集 台南市立文化中心出版
6. 藍淑貞 台灣現代囡仔歌詩集（一）《愛食鬼》紅樹林台語叢書
（二）《雷公伯也》 紅樹林台語叢書
7. 藍淑貞 台灣囡仔歌的教學佮創作 紅樹林台語叢書
8. 藍淑貞詞/王明哲、林慧哲、藍淑貞曲 「日頭花」囡仔歌（12首CD兩片）
紅樹林台語工作室
9. 陳武雄曲/林武憲、藍淑貞、吳秀麗、吳秀雅詞 《我愛水》 愛神音樂帶出版
10.講唱台灣囡仔歌（15首）安可出版社
11.黃勁連台灣囡仔歌詩集1－《籃仔花》 金安文教機構
12.黃勁連台灣囡仔歌詩2 金安文教機構
13.黃勁連台灣囡仔歌詩集3－《月光光》 金安文教機構
14.施福珍台灣心，台灣情－童謠教育廳出版
15.白玲《月娘光焱焱》 碩億科技出版
16.愛智《咱的囡仔歌》系列－幼兒語文學習系列愛智圖書公司出版
17.台灣之歌（12首CD一片）文化總會
18.各國小台語教材