1
書寫測驗練習
健行科技大學 駱嘉鵬
書寫測驗試題說明
級別 題型
考試時間 作答方式 配分
1.聽寫測驗(9 題) 18 分
2.塌空(填空)測驗(8 格) 32 分
A
3.語句書寫(1 題)
20 分鐘
筆試
答案紙
10 分
1.聽寫測驗(10 題) 20 分
2.語句書寫(2 題) 20 分
B
3.圖文寫作(1 題)
40 分鐘
筆試
答案紙
20 分
1.圖文寫作(1 題) 50 分
C
2.評論改寫(2 題)
60 分鐘
筆試
答案紙 50 分
寫作要領
題型
寫作要領
聽寫測驗
(字音字形)
1.使用教育部公告臺羅拼音、推薦用字及辭典字音字形。
2.正確掌握調型及標調位置。
（a,e,o > i,u > ng > m）
※軟體分享：臺羅漢字輸入法、字音字形測試練習系統
塌空(填空)測驗
語句書寫
1.認清題意，掌握焦點。
2.注意用字，掌握文法。
圖文寫作
評論改寫
1.預備：認清題意，掌握焦點。
2.目標：內容充實，文辭通暢，論述合理，結構嚴謹。
3.程序：
(1)自由聯想，簡要記錄。
(2)分類取捨，規劃架構。
(3)依序撰寫，兼飾文句。
2
試題範例
A 卷
第一部份 聽寫測驗
A. 聽寫拼音（請用臺羅正式版書寫）
題號 答案
1
thinn-tíng
2
im-ga̍k
3
4
B. 聽寫漢字（請用教育部《臺灣閩南語常用詞辭典》的用字書寫）
題號 答案
1
下晡
2
查某
3
4
5
第二部份 塌空測驗（填空測驗）
這是一个學生的自我紹介：「我的名號做陳志明，是 (1) 的，今年7歲。體
重30公斤， (2) 129公分，讀國小一年仔。」空格仔內是伊的性別佮體型，
請寫出適當的詞，而且愛符合閩南語的寫法。
第三部份 語句書寫
問題：你若欲留字條予恁阿母，講你無欲轉來食暗頓，你愛按怎寫？（愛
交代理由，30字以內。）
3
B卷
第一部份 聽寫測驗
A. 聽寫拼音（請用臺羅正式版書寫）
題號 答案
1
guân-liōng
2
nn̄g-jîn
3
4
5
B. 聽寫漢字（請用教育部《臺灣閩南語常用詞辭典》的用字書寫）
題號 答案
1
度晬
2
咒誓
3
4
5
第二部份 語句書寫
問題：請用下面的語詞寫一段話（大約2、3句就會使），會使隨家己的意
思加添語詞，毋過一定愛有遮的語詞：拍無去(phah-bô--khì)、皮包
(phuê-pau)、手機仔(tshiú-ki-á)、證件(tsìng-kiānn)、佳哉(ka-tsài)。
第三部份 圖文寫作
問題：臺灣熱天氣溫真懸，天氣真熱。請你以「熱天」為題目，寫一篇短
文，描寫你個人對「熱」的印象佮感受，嘛會使寫熱天的情境、適合佇熱
天做的活動等等，會當自由發揮。（150-200字之間，答案紙大約10逝）
4
C卷
第一部份 圖文寫作
問題：有人認為物件歹去買新的就好，有人認為會當修理就愛修理，才袂
浪費。資源回收到底對咱的社會、經濟抑是環境有啥物重要性？請你以「資
源回收的重要性」為題，寫一篇文章來表達你的看法佮見解。（250-300字
之間，答案紙大約15逝）
第二部份 評論改寫
名導演兼作家吳念真，佇伊的面冊頂懸呼籲媒體，毋通傷過頭攪擾嫌疑犯
的老爸。伊講，做毋著的是一个三十歲的人，毋是老爸。伊知影的，可
能比記者較少；伊想欲了解的，比咱攏猶閣較濟；伊的疼，卻是少年記者
無法度體會的。這段話受著真濟人的重視佮贊聲，媒體嘛誠實無閣繼續一
直去訪問矣。
以上是一段社會新聞的內容，請你針對這篇報導，寫出你對臺灣媒體佮觀
眾的評論。（150-200字之間，答案紙大約10逝）
5
附錄：詞彙語法練習
研習重點：華台語比較
詞素差異，構詞法差異，句法差異，不對應詞(素)，熟語、諺語
1. 「阿義仔喝＿＿，無人敢應喙。」請問空格仔內揀佗一个上適當？
(A) 一聲 (B) 一喙 (C) 一杯 (D) 一擺
2.「毋免欣羨人＿＿，較骨力做咧，較實在。」請問空格仔內揀佗一个較適當？ (A) 好
業 (B) 好野 (C) 好爺 (D) 好額
3.請問下面佗一个上蓋符合臺灣閩南語的語法？
(A) 大貓 (B) 大山貓 (C) 大隻貓 (D) 大的貓
4.請問下面佗一句的語法
袂通
？
(A) 昨暝睏無飽眠，實在有夠忝。 (B) 糜飯袂食落去，身體免講嘛較虛。 (C) 目鏡
度數無夠，攏看袂清楚。 (D) 予人看無目地，心肝真怨慼。
5.「＿＿就相招出去散步矣。」請問空格仔內揀佗一个上適當？
(A) 食飽飯 (B) 食了飯 (C) 食飯飽 (D) 食飯完
6.請問下面這幾个「上」字，佗一个讀音佮另外三个
無仝
？
(A) 上山 (B) 上網 (C) 上桌 (D) 上水
7.請問下面佗一句上合臺灣閩南語的語法？
(A) 我有幫你借兩本冊。 (B) 你兩本冊有我共你借。 (C) 我有共你鬥借兩本冊。 (D)
有兩本冊予我共你借。
8.「阿明仔這个人誠害。」這句話是咧講阿明仔按怎？
(A) 做了無好 (B) 身體無好 (C) 破病袂好 (D) 目色無好
9.請問下面佗一个
毋是
臺灣閩南語的慣用語？
(A) 青盲牛 (B) 落水狗 (C) 碌硞馬 (D) 暗光鳥
10.「藥丸仔空腹先食，＿＿食飽後才食。」請問空格仔內揀佗一个上適當？
(A) 雞毛管 (B) 雞僆仔 (C) 雞母蟲 (D) 雞胿仔
11.請問下面佗一句的「去」字
毋是
唸輕聲？
(A) 毋通捎咧烏白舞，舞甲害害去。 (B) 伊現看著人來，隨爬過去。 (C) 你緊過去，
毋通予人等傷久。 (D) 一粒落屎星，落對彼爿去。
12.「阮逐家攏欲去，＿＿？」請問空格仔內添啥物落去，有可能會造成歧義？
(A) 無你是欲按怎 (B) 你是欲去抑毋 (C) 你敢無想欲去 (D) 你是按怎毋去
13.「你捌聽過＿＿？」請問空格仔內揀佗一个上
無適當
？
(A) bô (B) ma (C) honnh (D) ka̋
6
14.「我看這个真＿＿，寧可揣別人較妥當。」請問空格仔內揀佗一个較
無適當
？
(A) 歹扭搦 (B) 歹剃頭 (C) 歹手爪 (D) 歹症頭
15.「老師買一＿＿尺，分予阮一人一＿＿，尾仔賰兩＿＿。」請問這三个空格仔內，照
順序添啥物入去較適當？
(A) 盒、枝、枝 (B) 个、條、條 (C) 捆、把、把 (D) 緟、塊、塊
16.「俗語講：入虎喉，毋死也＿＿。」請問空格仔內揀佗一个上適當？
(A) 臭殕 (B) 半命 (C) 烏漚 (D) 烏暗眩
17.「昨昏去＿＿山，一尾刺毛蟲＿＿起去我的跤盤，害我癢甲＿＿袂煞。」請問這三个
空格仔內，照順序添啥物入去較適當？
(A) 爬、爬、爬 (B) 爬、爬、扒 (C) 、趖、爬 (D) 、趖、扒
18.「俗語講：六月＿＿假有心。」請問空格仔內揀佗一个上適當？
(A) 割菜 (B) 芥菜 (C) 掛菜 (D) 蓋菜
19.「佇社會咧＿＿，目睭著擘較金咧，較袂食虧。」請問空格仔內揀佗一个較適當？
(A) 走閃 (B) 走路 (C) 走傱 (D) 走揣
20.請問下面佗一句的語法
袂通
？
(A) 伊的食食誠無正常。 (B) 這予我來接接就好。 (C) 你毋通閣延延矣。 (D) 咱看
看電影就好矣。
21.「我做我的，欲講＿＿伊講。」請問空格仔內添佗一个較
無適當
？
(A) 由在 (B) 隨在 (C) 原在 (D) 據在
22.「我＿＿欲收擔，伊煞傱過來。」請問空格仔內揀佗一个較
無適當
？
(A) 拄 (B) 拄好 (C) 拄仔好 (D) 拄好好
23.「我佇臺灣銀行有一个＿＿。」請問空格仔內揀佗一个上適當？
(A) 數目 (B) 負債 (C) 口座 (D) 存款
24.「我無咧傷閒閣。」請問這句話上有可能隱含的話語是下面佗一項？
(A) 去加夯枷 (B) 來泡茶 (C) 去揣頭路 (D) 來食飯
25.咱有當時仔會共雙音節的形容詞重複一擺，變做 AABB 四音節的形容詞，親像「奇
奇怪怪」。請問下面佗一个選項
袂當
按呢？
(A) 凊彩 (B) 老實 (C) 兇狂 (D) 古錐
26.「＿＿有人問起，伊就講袂煞。」請問空格仔內揀佗一个上適當？
(A) 幾若 (B) 甲若 (C) 便若 (D) 敢若
27.請問下面佗一句是咧講人袂曉衰？
(A) 好心予雷唚。 (B) 大舌閣興喋。 (C) 乞食趕廟公。 (D) 歹竹出好筍。
28.「阿財仔閣咧＿＿矣，莫去惹伊較順。」請問空格仔內揀佗一个較適當？
7
(A) 起無空 (B) 看袂起 (C) 起毛婸 (D) 起凊瘼
29.請問下面佗一个詞的結構佮另外三个
無仝
？
(A) 少缺 (B) 殘忍 (C) 早暗 (D) 厚話
30.「你＿＿無好，酒毋通啉遐濟。」請問空格仔內揀佗一个上適當？
(A) 腸胃 (B) 胃腸 (C) 腹腸 (D) 肚腸
31.「你＿＿你安心仔去𨑨迌，遮有我佇咧，免操煩。」請問空格仔內揀佗一个較適當？
(A) 做 (B) 照 (C) 予 (D) 隨
32.「伊閣咧腫頷矣。」請問「腫頷」佮下面佗一个詞的意思較倚？
(A) 嘐潲 (B) 大頷胿 (C) 吊頷 (D) 腫癗
33.「我攢＿＿囥佇桌頂，欲食家己去食。」請問空格仔內添佗一个較適當？
(A) 利便 (B) 便便 (C) 方便 (D) 隨便
34.「拄才猶閣百捅个佇遐，這馬差不多賰＿＿个爾爾。」請問空格仔內揀佗一个上適當？
(A) 百二 (B) 上百 (C) 百外 (D) 成百
35.「＿＿，加減趁，較袂散啦！」請問空格仔內揀佗一个上適當？
(A) 有比無好 (B) 有比無較贏 (C) 有贏過無 (D) 有較贏無
36.阿明共阿華講：
「阮阿爸明仔載欲來揣咱老師。」請問阿明佮阿華可能是啥物關係？
(A) 兄弟仔讀仝班 (B) 兄弟仔讀無仝班 (C) 無仝家庭的同學 (D) 無親情關係，嘛毋
是同學
37.「風颱咧欲來矣，緊去共窗仔門關予絚。」這句話的意思是叫人去關啥物？
(A) 窗仔 (B) 門 (C) 窗仔佮門 (D) 窗仔的門
38.臺灣閩南語會當佇動詞後面附加詞尾「仔」
，予伊變做名詞。請問下面佗一个
無適用
這款造詞法？
(A) 開 (B) 鑿 (C) 鑽 (D) 挲
39.「坐高鐵緊是緊，毋過票價＿＿。」請問空格仔內揀佗一个上適當？
(A) 貴濟囉 (B) 加真貴 (C) 貴真濟 (D) 真夠貴
40. 請問下面佗一个
袂當
做臺灣閩南語的詞尾？
(A) 頭 (B) 觸 (C) 仔 (D) 子
41.「今買＿＿買矣，無你敢有伊法？」請問空格仔內添佗一个較適當？
(A) 攏 (B) 就 (C) 都 (D) 著
42.「伊＿＿去踏著鐵釘仔，疼甲哀爸叫母。」請問空格仔內揀佗一个上適當？
(A) 跤目 (B) 跤曲 (C) 跤骨 (D) 跤刀
43.「阿發仔真𠢕賤，七早八早就去予人＿＿。」請問空格仔內揀佗一个上適當？
(A) 鬧元宵 (B) 迎媽祖 (C) 開新正 (D) 關鬼門